Clare County Library
Clare Literature
Home | Search Library Catalogue | Foto: Clare Photo Collection | OS Maps | Search this Website | Copyright Notice

Atá Geasa Troma Draoidheacht’ orm

I
Atá geasa troma draoidheacht orm choidhche an fhaid mhairfead beo,
Mart na Nodlag aoibhinn sínte ar an gcroich mar stór ;
Ò mheath an croídhe sa bhuidhe orm ‘s an ciar dubh gan bheith i bhfeoil
Beidh an dreoilín agam i ndíol leo i gCluainíneach go greanta ar bórd.

II
Cé go bhfuilim croidhlítheach, fairíor! Le fada ‘cogaint cnámh
Ná tuig-se a fhleasgaigh dreoilín gur dóith duit mé chur chun ráis ;
Dá dtéightheá ar fad don Róimh aoird le mórdhacht na ngealta fán,
Leanfainn tú i ngach ród díobh go gcuirfinn thú ar nasg an bháis.

III
An Dreoilín :
Seo mé id’ radharc i gcomhnaidhe go ró-bhinn ag magadh fút,
I Mullach Chróin im’ chomhnaidhe, mo spies níl id’ sheana-gnnúis ;
Lean ded’ ghaibhneacht a óglaoich, tóigh í is ceap do chrúdh,
Ná meath am’ fheill-se ag fosaigheacht i bpórsaí, nó ‘braith ar lionn.

IV
Seán :
Fuire liom a thóiridhe, do ghéabhair laoidhte suilt ó Dháimh,
Spreagadh puirt mar cheol-sidhe ‘s deoraidheacht le codladh sámh,
Blaiseadh gacha sóirt bídh, b’fhéidir fíon ‘s punch de ghnáth
‘S bheith ad’ pheata i gcomhnaidhe ag óg-mhná na mbacall mbán.

V
An Dreoilín :
Créad d’iarrfá a shionnaigh stuacaigh as Cluain chluthair aoibhinn réidh,
I n-a bhfuil gliadhaire cuthaigh suairc ann mar Guaire ó n-ar shíolraigh an laoch ;
Triatha ‘s bilí buaidh-bheart, uaisle de’n tsíol gan bhéim,
Do riarfadh feara ar fad, gluais leat ‘s chífir é.

VI
Seán :
Cad deir tú le Mac Domhnaill ‘fuair mórgacht chríoch Uladh, go léir,
Nó i n-Albain cé mór iad tá an choróin air dhá bhrigh na Réx ;
Ná dearmad go deo an bhean de phór-shliocht na righthe Gaedheal,
Brian Bhanba agus fódla fuair mórgacht chun cíos do ghlaodhach.

VII
Seachrán ort, ní heol duit an comhghas idir chliar ná laoch,
Is gur dearbhráthair fola is feola Mhathghamhna an rí-fhlaith Brian ;
Led’ iomarbhádh leig domhsa, ní dóith dhuit mé a riaghail ná rígh,
Is go bhfuil seacht sáith ríogh Sheoirse mar nóchar de chliamhain am’ laoch.

Dánta Sheáin de hÓra