Fonn: Tá an fonn atá leis agus an litriú comhaimsireach ar fáil i ‘Songs of The Irish’ le Dónal Ó Sullivan.

Tá fonn ar fáil freisin i ‘Ár gCeol Féinig’, An tAth Pádraig Breathnach, lch 178-179, Brún agus Ó Nualláin, BÁC, agus i Ceolta Gael le Seán Óg agus Manus Ó Baoill, Mercier, 1975, Corcaigh.

Tugann Breandán Ó Madagáin, (féach thíos), an fonn freisin ina aiste ‘Eoghan Ó Comhraí agus Amhráin Ghaeilge an Chláir,’ agus nóta ana shuimiúl ón mbailitheoir George Petrie, leis. Deir Petrie, 'I am as usual indebted to my friend Mr Curry for a copy of this song, which he believes to be a very ancient one for it was considered as such by his father (Eoghan Mór) and other old people by whom he had often heard it sung' (Petrie 1882, 23.)

Tá cuid mhaith de na leabhair thuasluaite ar fáil i gcartlann Taisce Cheol Dúchais Éireann (ITMA) agus i gCartlann Chois na hAbhna chomh maith.

Foinse: Féach an bun lámhscríbhinn anseo, ó lámh Eoghain Uí Chomhraí (Eugene O Curry), i leabharlann an ITMA:
https://prints.itma.ie/manuscripts/bhuachail.pdf#viewer.action=download

Foinn srl: féach bun an leathnaigh

Amhránaí: Edel Vaughan, Croisín, Bealtaine 2022

A bhuachaill an Chúil Dualaigh
Cár chodail mé aréir,
Ag colbha do leapan
Is níor airigh tú mé,
Dá mbeadh fios mo cháis agat
Ní chodlófa néal,
Is gurb é do chomhrá binn blasta
D’fhág an osna so im’ thaobh.

A bhuachaill an chúil dualaigh
Nár fheice mé Dia
Go bhfeicimse do scáile
Ag teacht ’dir mé ’san ghrian;
Ní thuigeann tú mo mheabhradh
Is ní airíonn tú mo phian,
Is mar bharr ar gach ainnis (aindeis)
Is leat do chailleas mo chiall.

A bhuachaill an chúil dualaigh
An bhfuil ár sonas le fáil
Nó an mbeimid ’nár gcónaí
In aon lóistín amháin,
Sinn ar aon pósta
A stóir ’s a dhian ghrá,
Á r naimhde fá bhrón
Is ár gcóngas go sámh.

Nach aoibhinn do na héiníní
‘ dh’éiríonn go hárd,
Is do thuirlingíonn le chéile
Ar aon chraobh amháin,
Ní mar sin do neadaimse
Is mo chéad míle grá,
Ach is fada óna chéile
Bhíos ár n-éirí gach lá.

Tá an fonn atá leis agus litriú comhaimsireach ar fáil i ‘Songs of The Irish’ le Dónal Ó Sullivan. Tugann Breandán Ó Madagáin an fonn anseo thíos ina aiste ‘Eoghan Ó Comhraí agus Amhráin Ghaeilge an Chláir.’

Tá fonn ar fáil freisin i ‘Ár gCeol Féinig’, An tAth Pádraig Breathnach, lch 178-179, Brún agus Ó Nualláin, BÁC, agus i Ceolta Gael le Seán Óg agus Manus Ó Baoill, Mercier, 1975, Corcaigh.

Tá cuid mhaith de na leabhair thuas ar fáil i gcartlann Chois na hAbhna agus Taisce Ceol Dúchais na hÉireann(ITMA).

Leagan ‘clasaiceach’ ag Caitríona O Leary anseo:
https://www.youtube.com/watch?v=ElO7f8i0iT0

Tagann an lámhscríbhinn seo ó pheann Eoghain Uí Chomhraí, le caoinchead ó chartlann ITMA: