Scoil: An Baile Árd, Contae an Chláir

Múinteoir: Tomás Ó Floinn

Bailitheoir: Máire Ní Mhuirithe, Glaschluain, Dún Beag.

FONN: a) Leagan córúil ag Earnán Regge: http://catalogue.nli.ie/Record/vtls000113505/Holdings#tabnav
b) Eoinín Maidhcí Ó Súilleabháin á chanadh:
https://seannos.tg4.ie/baile/amhranaithe/eoini-maidhci-o-suilleabhain/aonach-chill-diseart-sean-nos-na-bhfear-2013/
c) Chuir Conn Ó Muineacháin, Baile na Cailligh an Chláir agus Rath Mór Chiarraí fonn an bhreá leis.

Amhránaí: Conn Ó Muineacháin, Márta,2022.

Foinse: Bailiúchán naScol
https://www.duchas.ie/ga/cbes/5073887/4878243

Maidin bhog aoibhinn is mé ar Shráid Chille Dísirt
Lem’ scata breá caorach is mo chúpla bó
Chun bheist agus bríste a cheannach don bhfear críonna,
Tobac don mhnaoi aosta agus buataisí nódha (nua).
Do dhíolas mo thréada ar fad lena chéile
Na seafaidí maola, chuaigh naoi bpunt is coróin,
bhí an bhrídeach ag gáirí, ag sodar le mo sháile
Níor fhág sí mo láthair go ndeachamar ag ól.

D’ardaigh sí léi mé go dtí seomraí aolbhuí
I gcúinne den aonach agus ghlaoigh sí ar bheoir,
Bhí ceol agus aoibhneas is fuiscí ag gabháil timpeall,
Amhráintí breátha meidhreacha, rince ’gus ceol.
D’ólasa sláinte na mná a bhí láithreach,
Is an bhailintín álainn ná feaca riamh fós
Sí Peigí chiúin bhéasach ó Shráid Lios Uí Chéasaí
Is do shnámhfainnse an tSionainn d’fhonn dul ina treo.

Leagan Eile:

Scoil: Mullach
Múinteoir: P. Ó Sandair
Bailitheoir: Nuala Ní Sándair, Fionnúr Mhór
Faisnéiseoir: Séamus Ó Seasnáin, Dún Ógáin

https://www.duchas.ie/ga/cbes/4922391/4877254/5079279?ChapterID=4922391

Trascríobh ón gcartlann:

Maidin bog aoibhinn mé ar Shráid Cille Disirt
Mo scata bréagh caoire mo cúpla bó
Cun bheist agus bríste ceannach don fhear críona.
Tobac don mhnaoi aosta agus buaitisí nuadha
Do dhíolas an scata ar fad le na céile
Le fear a thug dom naoi bpúint is coráinn
Bhí Brighid is gáirleach ar sodar lem' sálaibh
Níor bog sí liom riamh gur chuadmar ag ól.
D'ólamar sláinte don mhuinntir a bhí láitreach
An balantin áluinn gan pósadh riamh fós
'Sí Peigí ciúin béasach ó Sráid Lios Ceásaigh
Is do treabhfainn sé an t-Sionna dfhonn dul 'na treo.
Annsúd atá an t-aingeal a dhéanfadh an bréid dom
Ar Árd Lios Céasaigh ar mharbh 'nar beo
Bean ume is bainne-bean stoca is léime
Bean garbh agus mín, is bean crúidte na mbó

Tagann an leagan iomlán thíos ón gcnuasach amhrán: ‘An Blas Muimhneach’, Breandán Mac Gearailt, Coiscéim 2007. Is é Tim Dennihy a chuir an leagan seo ar mo shúile dom.

Aonach Chill Díseart

Maidin bhog aoibhinn is mé ar Shráid Chille Dísirt, lem’ scata breá caorach ‘s lem’ cúpla bó,
Chun bheist agus bríste a cheannach don bhfear críonna, tobac don mhnaoi aosta ‘gus buataisí nua.
Do dhíolas mo thréada ar fad lena chéile, na seafaidí maola chuaigh naoi bpunt is coróin,
Bhí an bhrídeach is í ag gárthaigh ar sodar lem’ shála, níor fhág sí mo láthair go ngabhamar ag ól.

D’ardaigh sí leí mé go seomairín aolbhuig, i gcúinne an aonaigh is ghlaoigh sí ar bheoir,
Á it go raibh aoibhneas, leann ag gabháil timpeall, amhráintí bhreátha mheidhreacha, rince is ceol,
D’ólasa sláinte na mban a bhí i láthair is an bhailintín aoibhinn ná feaca riamh fós,
‘ Sí Peigí chiúin bhéasach ó Shráid Lios Uí Chéasaí is do shnámhainn an tSionna d’fhonn dul ina treo.

“Sí siúd an ainnir a dhéanfadh an bhréid dom ar Shráid Lios Uí Chéasaí gan mhairg, gan bhrón,
Bean ime is bainne, bean stoca is léine, bean mine is ghairbh is bean crúite na mbó,
Bhí an bhrídeach ag gabháil timpeall ag iarraidh mé a phósadh agus d’fhágas i dtigh an ósta mo naoi ghiní óir,
D’ólas mo chóta, mo bheist is mo léine agus d’fhilleas abhaile gan stoca ná bróg.

Nuair a thagaimse abhaile ‘dtí Peigí san oíche bíonn tine bhreá adhanta agus teallach gan smál,
Bíonn an citeal chomh meidhreach le cláirseach nó faidhfe is geallann mo chroí nuair a chloisim an ceol,
Nuair a éirím ar maidin is gléasaim mo chapall, mo chéachta chun treabhadh is mé ag leagadh na bhfód,
Níl Peigí gan chúram, tá ba chun a gcrúite, an chuigeann is an túirne is an leanbh á deol.

Anois ó táim cortha agus cloig ar mo shála, beidh ciall agam feasta agus cloífead lem’ ghnó,
Beidh feirc ar mo hata is lán canna d’ór agam is déanfadsa branar is réabadh is rómhar,
Beidh cruacha is stácaí san áit ná raibh gráinne, beidh talamh chun saothair agus macha breá bó,
Beidh Peigí is a spré agam is is cuma cén méid é, “Once down is no battle”, beidh aimsir mhaith fós.