Foinse: Breandán Ó Madagáin Eoghan Ó Comhraí agus Amhráin Ghaeilge an Chláir.

Bun fhoinse: Petrie, 1855, Ancient Music of Ireland, 144-146, O’Sullivan, Songs of The Irish, 21. Tá sé ar fáil freisin in Amhrán Mhuighe Seola.

Fonn agus Amhránaí: Nuala Kennedy. Chuir Nuala fonn leis seo i mBealtaine 2022 a fuair sí ó Chathy Jordan (Dervish). Fuair Cathy an fonn ó Chormac de Barra.

Chuir Nuala na focail thíos ina iomlán ar fáil dom mar a bhí faighte aici ón gcruitire, Cormac de Barra. Tá fáil ar an amhrán ar albam Chormaic, Barco. Chuir sí freisin i dtreo taifead le Pádraig Ó Cearbhaill, Co. Luimnigh mé, a chanann an fonn mar atá sé tugtha ag Ó Madagáin, thíos. Is féidir é a chloisteáil anseo: https://www.itma.ie/digital-library/video/do-chuirfinnse-fein-mo-leanbh-a-chodladh-padraig-o-cearbhaill

Focail iomlán an amhráin ó Nuala Kennedy/Cormac de Barra:

Do churifinnse féin mo leanbh a chodladh
Is ní mar do chuirfeadh mná na mbodach
Faoi shúisín bhuí ná i mbraillín bhorraigh
Ach i gcliabhán óir 's an ghaoth á bhogadh

Curfrá:
Seo hín seó, huil leó leó
Seo hín seó, is tú mo leanbh
Seo hín seó, huil leó leó
Seo hín seó, is tú mo leanbh

Do churifinnse féin mo leanbh a chodladh
Lá breá gréine idir dhá Nollaig
I gcliabhán óir ar úrlár shocair
Faoi bharra na gcraobh 's an ghaoth á bhogadh

Curfrá:
Seo hín seó, huil leó leó
Seo hín seó, is tú mo leanbh
Seo hín seó, huil leó leó
Seo hín seó, is tú mo leanbh

Codail a linbh, is codhladh slán duit
As do chodladh go dtugair do shláinte
As do smaointe do chroí nár chráitear
Is nár ba bean gan mac do mháthair

Curfrá:
Seo hín seó, huil leó leó
Seo hín seó, is tú mo leanbh
Seo hín seó, huil leó leó
Seo hín seó, is tú mo leanbh

Codail a linbh, is codhladh slán duit
Is as do chodladh go dtugair tú do shláinte
Nár bhuaile treighid ná greim an bháis tú,
Galar na leanbh, ná'n bholgach ghránna.

Curfrá:
Seo hín seó, huil leó leó
Seo hín seó, is tú mo leanbh
Seo hín seó, huil leó leó
Seo hín seó, is tú mo leanbh

Is suimiúl an méid atá le scríobh ag Ó Madagáin faoin ‘Seoithín seó’ agus tugaim ina iomlán anseo é:
“ Is é an seoithín seó (‘lullaby’: rud eile ar fad ab ea suantraí) an t-aon chineál amhrán oire atá fós in úsáid i nGaeltacht an lae inniu.Thug P.W. Joyce dhá cheathrú do Phetrie as seotihín seó álainn as Co. Luimnigh: Do chuirfinnse féin mo leanbh a chodladh. Deir Petrie, ‘Mr. Curry…in his youth had been familiar with the whole song,’ ahus thug sé dhá cheathrú eile dó. Sampla eile den amhrán céanna a bheith i gCo. an Chláir agus i gCo. Luimnigh, ní nach ionadh. Táim féin den tuairimgurbh ortha drasíochta fadóé an seoithín seó chun an leanbh a chosaintar an aos sí (Ó Madagáin, 1989,a). Ba é an creideamh coitianta é go dtí le déanaí go bhféadfadh an t-aos sí an leanbh a fhuadach leo, dá dteastódh sí uathu nó an mháthair féin dá dteastódh sí uathu chun banaltracht a dhéanamh ar leanbh dá gcuid féindteastódh. Sin é atá i gceist i seoithín seó an-spéisiúl a fuair Petrie ó Mary Madden: A bhean úd thíos ar bhruach an tsrutháin. Arís ní miste glacadh leis gurbh é Ó Comhraí a scríobh na focail dó, agus tá cuntas fada uaidh sa leabhar ar an seanchreideamh a bhí i gceist sa scéal.”