Údar: Tadhg Ó hEaghráin, sna 1950idí. D’Éag Tadhg sa bhliain 1980.

Focail bhreise agus cóiriú: Eánna Ó hEaghráin (Enda Haran, mac le Tadhg), Inis Díomáin.

Fonn: Chuir Éanna, thuas, fonn leis seo in Earrach na bliana, 2022.

Foinsí: Chuir Eugene Lambe i dteangmháil le Seosamh Ó Conchubhair (Joe O Connor), Sráid na Cathrach, mé. Chuir Joe an dán ‘Mise Tadhg Ó hEaghráin’ chugham agus chuir sé go leor ábhar eile i mo threo freisin. Is iontach an foinse eolais é Joe maidir le hamhráin sa Chontae agus bhí an méid seo scríofa aige faoin dán seo:

"Collected by Mrs Mary Haren, from her husband, the writer of the poem. Tadhg O hÉaghráin seems to have been having a bad day when the Muse inspired him to pen this poem, probably some time in the 1950’s. The reference in the poem to the debilitating effects of emigration is unfortunately appropriate again today and Ennistymon, like most of western Ireland today, is haemorrhaging its youth over the waters of the world."

Chuir Éanna, mac le Tadhg, an teideal ‘Inis Díomáin’ air, d’athraíomar beirt corr fhocal anseo is ansiúd, chuir Éanna véarsa eile leis agus an t-athrá ar an líne deireanach i ngach véarsa agus chum sé an ceol chuige. Tá cóiriú cumasach déanta aige ar dhán eile lena athair chomh maith, is é sin: ‘Is tú Éire’.

Inis Díomáin

Mise Tadhg Ó hEaghráin as Inis Díomáin
Atá suite go doimhin sa ghleann
Baile beag briste, a thóin leis an uisce
Is daoine gan tuiscint ann.
Is daoine gan tuiscint ann.

Is trua é ár gcás, tá ár mbaile ag fáil bháis,
Na fir is na mná ag imeacht uainn.
Táimid bocht anseo thiar ar an taobh seo den tír,
A Dhia an bhfuil aon rud i ndán dúinn?
A Dhia an bhfuil aon rud i ndán dúinn?

’Sí Eidhneach an abhainn go torannach trom,
Ag léimt thar an easa ar chúl dúinn
Anois tá sí mall, ag rith tríd an ngleann,
Go Leacht Uí Chonchubhair atá gar dhúinn.
Go Leacht Uí Chonchubhair atá gar dhúinn.

Ar an mbaile seo againne tá cliú agus cáil
Ar fhilí is ársacht i ngach cúinne le fáil,
Merriman an file, Mac Cuirtín, Uaithnín,
Seán Holland, an fear a cheap Submarine.
Fear a cheap submarine.

Tá jobanna mór ag gach ‘white collar hoor’
Anseo is ansiúd ar fud Chláir
Ach tá an baile beag briste, a thóin leis an uisce,
Ag tarraingt an dóil gan náir.
Ag tarraingt an dóil gan náir.

Is mise Éanna Ó hEaghráin as Inis Díomáin
An baile ar bhruach na habhann
Is daoine le cáil is gan buarthaí le fáil
’ San baile is áille ar domhan.
An baile is áille ar domhan.

Inis Díomáin, an baile is áille ar domhan
Inis Díomáin, an baile is áille ar domhan
Inis Díomáin, an baile is áille ar a’domhan
Inis Díomáin, Inis Díomáin, Inis Díomáin.